საქართველოს ფიზიკური აღზრდისა და
სპორტის სახელმწიფო სასწავლო უნივერსიტეტი

GEORGIAN STATE TEACHING UNIVERSITY OF PHYSICAL EDUCATION AND SPORT

17 სექტემბერი, 2019

სპორტის უნივერსიტეტს ჩინეთის ქ. გუანჯოუს სპორტის მეცნიერების ინსტიტუტის დელეგაცია ეწვია

17 სექტემბერს საქართველოს ფიზიკური აღზრდისა და სპორტის სახელმწიფო სასწავლო უნივერსიტეტს ჩინეთიდან ქ. გუანჯოუს მუნიციპალიტეტის ადგილობრივი მთავრობის სპორტის ადმინისტრაციისა და სპორტის მეცნიერების ინსტიტუტის წარმომადგენელთა დელეგაცია ეწვია. შეხვედრის ფარგლებში, გუანჯოუს სპორტის ადმინისტრაციის უფროსის მოადგილეს, მაო ჯიჰონგსა და სპორტის უნივერსიტეტის რექტორს, ჯემალ ძაგანიას შორის შედგა შეთანხმება სპორტის უნივერსიტეტსა და გუანჯოუს სპორტის ინსტიტუტს შორის სამომავლო თანამშრომლობის შესახებ. დაიგეგმა ურთიერთთანამშრომლობის მემორანდუმის გაფორმება, გამოცდილების გაზიარების მიზნით ორმხრივი ვიზიტების ორგანიზება და სტუდენტთა გაცვლითი პროგრამების შემუშავება.