ფაკულტეტზე სტუდენტურ თვითმმართველობასთან პროდუქტიული სამუშაო შეხვედრა
ფიზიკური მედიცინისა და რეაბილიტაციის ფაკულტეტის ინიციატივით, გაიმართა პროდუქტიული შეხვედრა ფაკულტეტის სტუდენტური თვითმმართველობის წარმომადგენლებთან. უპირველეს ყოვლისა, მივესალმებით და ვულოცავთ თვითმმართველობის 4 ახალ წევრს, რომლებიც გუნდს ახლახან ჩატარებული არჩევნების საფუძველზე შემოუერთდნენ. ვუსურვებთ მათ ნაყოფიერ და წარმატებულ საქმიანობას საუნივერსიტეტო ცხოვრებაში!
შეხვედრას ესწრებოდნენ უნივერსიტეტის რექტორი, პროფესორი ტრისტან გულბიანი, ფიზიკური მედიცინისა და რეაბილიტაციის ფაკულტეტის დეკანი, ასოც. პროფესორი კახაბერ ხვედელიძე და ამავე ფაკულტეტის ხარისხის უზრუნველყოფის სამსახურის უფროსი, ასოც. პროფესორი ქეთევან ბერიძე.
სამუშაო შეხვედრის მთავარ მიზანს წარმოადგენდა სასწავლო და საგამოცდო პროცესების მიმდინარეობის დეტალური განხილვა სტუდენტების პერსპექტივიდან. შეხვედრის ფორმატი ითვალისწინებდა ღია დიალოგს, რომლის ფარგლებშიც უნივერსიტეტის ხელმძღვანელობამ და ფაკულტეტის ადმინისტრაციამ ყურადღებით მოისმინა სტუდენტების მოსაზრებები, ობიექტური შეფასებები და საჭიროებები.
სტუდენტების ხმა და მათი აქტიური ჩართულობა აკადემიურ პროცესებში უმნიშვნელოვანესია საქართველოს სპორტის სახელმწიფო უნივერსიტეტის განვითარებისა და სწავლების ხარისხის მუდმივი სრულყოფისთვის. ჩვენ ვაგრძელებთ აქტიურ თანამშრომლობას სტუდენტებთან, რათა ერთობლივი ძალისხმევით შევქმნათ კიდევ უფრო პროდუქტიული და მათ ინტერესებზე მორგებული საგანმანათლებლო გარემო.
#სპორტისუნივერსიტეტი #სტუდენტურითვითმმართველობა #ფიზიკურიმედიცინადარეაბილიტაცია #სტუდენტებისმხარდაჭერა #განათლება #აკადემიურიპროცესი
