შიდა მობილობა!

სპორტის სახელმწიფო სასწავლო უნივერსიტეტში აკადემიუ ...

ცხადდება კონკურსი ბრიტანულ სკოლაში სტაჟირებაზე. სტაჟირება გაგრძელდება 5 კვირის განმავლობაში და მოიცავს კვირაში 2-3 დღეს.

სტაჟირების გავლა შეუძლია 4 სტუდენტს. განაცხადის გამოგზავნის ბოლო ვადაა 26 მარტი.

სტაჟირება ბრიტანულ სკოლაში

რას გვთავაზობს თბილისის ბრიტანული საერთაშორისო სკოლა BIST

BIST უზრუნველყოფს კვალიფიციური პედაგოგებისა და მენტორების გამოყოფას, რომელიც სტუდენტს დაეხმარება სხვადასხვა სფეროში და მოიცავს გაკვეთილის დაგეგმვის, სწავლების, შეფასების ნაწილებს.
სტუდენტებს შესაძლებლობა ექნებათ ნახონ, თუ როგორ იგეგმება და ტარდება მასშტაბური სპორტული ღონისძიებები. BIST გთავაზობთ მრავალფეროვან შესაძლებლობებს, რაც სპორტის სახეობის სწავლებას ძალიან მარტივისა და საინტერესოს ხდის.
სტაჟირების წარმატებით დასრულების შემდეგ სკოლა გასცემს 1 გვერდიან ცნობას რომელიც დაადასტურებს სტუდენტის მიერ შესრულებულ სამუშაოსა და მის მიღწევებს.

ვის შეუძლია კონკურსში მონაწილეობა

კონკურსში მონაწილეობა შეუძლიათ მწვრთნელთა ფაკულტეტის მეორე ან მესამე კურსის სტუდენტებს, რომელთა სპეციალიზაციაც არის ფრენბურთი, კალათბურთი ან ფეხბურთი.
კონკურსში მონაწილეობისთვის აუცილებელია ინგლისური ენის საბაზისო ცოდნა

რა მოეთხოვებათ პროგრამაში მონაწილე სტუდენტებს

პროგრამაში მონაწილე სტუდენტები ვალდებულნი არიან განრიგის შესაბამისად იარონ სკოლაში და არ გააცდინონ შეთანხმებული დღე.
ისინი მზად უნდა იყვნენ ახალი გამოწვევებისთვის. ასევე მათ შეუძლიათ ასევე მოგვაწოდონ საკუთარი იდეებიც. სტაჟირების განმავლობაში სტუდენტებმა უნდა სცადონ გაკვეთილების დაგეგმვა, სწავლება და მოსწავლეების შეფასება.
სტუდენტები აუცილებლად უნდა იყვნენ პუნქტუალურები და მომზადებულები სტაჟირების დღისთვის.

საკონტაქტო ელ-ფოსტა: ir@sportuni.ge