დურმიშხან ჩიტაშვილი 90 წლისაა

       6 მაისს  ბიოლოგიის მეცნიერებათა დოქტორს, პროფესორ დურმიშხან ჩიტაშვილს დაბადებიდან 90 და სამეცნიერო-პედაგოგიური მოღვაწეობის 65 წელი უსრულდება. მან მთელი  თავისი შეგნებული ცხოვრების 50 წელზე მეტი ჩვენს უმაღლეს სასწავლებელში გაატარა.

              ბატონი დურმიშხანი 1953 წლიდან იყო სტუდენტი,1958 წლიდან სწავლობდა  ასპირანტურაში, რომლის დამთავრების შემდეგ, 1961 წლიდან მუშაობდა ფიზიოლოგიის კათედრაზე და 2007 წლამდე გაიარა გზა მასწავლებლობიდან კათედრის გამგეობამდე. 1971 წელს დაიცვა საკანდიდატო, ხოლო 1996 წელს სადოქტორო დისერტაცია და მიენიჭა პროფესორის წოდება.

        სამეცნიერო და პედაგოგიური მოღვაწეობის პარალელურად მუშაობდა სხვადასხვა უმაღლეს ადმინისტრაციულ თანამდებობებზე, 1976-1978წწ. იყო ინსტიტუტის პრორექტორი აღმზრდელობით დარგში, 1980-1999წწ. მწვრნთელთა ფაკულტეტის დეკანი, 1999 წლიდან  მუშაობდა  სპორტის აკადემიაში პრორექტორად სასწავლო დარგში. 2006-2007 წლებში იყო რექტორის მოვალეობის შემსრულებელი, გამოქვეყნებული აქვს 100-ზე მეტი სამეცნიერო ნაშრომი, მათ შორის 3 მონოგრაფია.

საქართველოს ფიზიკური აღზრდისა და სპორტის სახელმწიფოსასწავლო უნივერსიტეტი ულოცავს ღვაწლმოსილ მეცნიერსა და პედაგოგს საიუბილეო თარიღს და უსურვებს ჯანმრთელობას და დიდ ხანს  სიცოცხლეს.