ვასილ ბაკაშვილი

განათლება

ვასილ ბაკაშვილმა 1981 წელს წარჩინებით დაამთავრა საქართველოს სახელმწიფო ფიზიკური კულტურის ინსტიტუტი.

1982-1985 წლებში იყო მოსკოვის ცენტრალური ფიზიკური კულტურის ინსტიტუტის ასპირანტი.

1990 წელს დაიცვა საკანდიდატო დისერტაცია. 2002 წელს მიენიჭა დოცენტის წოდება.

სამუშაო გამოცდილება

1976 წლიდან 2007 წლამდე, სხვადასხვა დროს იყო სპორტის უმაღლესი სასწავლებლის პრეპარატორი, ლაბორანტი, კათედრის დოცენტი, მაგისტრატურის ხელმძღვანელი, სასწავლო ნაწილის ხელმძღვანელი და პრორექტორი სასწავლო დარგში.

2013 წლიდან არის საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ასოცირებული პროფესორი; 2018 წლიდან კი – იმავე სასწავლებლის ფიზიკური აღზრდისა და სპორტის თეორიის, მეთოდიკის, მენეჯმენტისა და ისტორიის კათედრის გამგე.

დამატებითი ინფორმაცია

ვასილ ბაკაშვილს ფიზიკური აღზრდისა და სპორტის თეორიასა და მეთოდიკაში, სოციალურ-პედაგოგიური და ინკლუზიური განათლების მიმართულებით, გამოქვეყნებული აქვს დაახლოებით ორი ათეული ნაშრომი, სტატიებისა და მოხსენებების სახით.

თანაავტორებთან ერთად დაწერილი აქვს წიგნი – „ადაპტური ფიზიკური აღზრდისა და სპორტის თეორია და მეთოდიკა“.

არის სპორტის დამსახურებული მუშაკი.

საერთაშორისო ოლიმპიური კომიტეტის პროგრამის – „სპორტის ადმინისტრატორების კურსის“ დირექტორი.

შეფასებისა და გამოცდების ეროვნული ცენტრის საგნობრივი საგამოცდო ნაშრომების გამსწორებელი. არის სსიპ „მასწავლებელთა პროფესიული განვითარების ეროვნული ცენტრის“ ტრენერი.