გიორგი ზუბიტაშვილი

პროფესორი

განათლება

გიორგი ზუბიტაშვილმა 2005 წელს წარჩინებით დაამთავრა საქართველოს სახელმწიფო ფიზიკური აღზრდისა და სპორტის აკადემიის ბაკალავრიატი; 2007 წელს – იმავე სასწავლებლის მაგისტრატურა (ასევე წარჩინებით) და მიენიჭა ფიზიკური აღზრდისა და სპორტის მაგისტრის აკადემიური ხარისხი.

2009-2012 წლებში, სწავლობდა ილიას სახელმწიფო უნივერსიტეტის მეცნიერებათა და ხელოვნების ფაკულტეტზე, დოქტორანტურაში. სადოქტორო დისერტაციის დაცვის შემდგომ („ძიუდოისტთა სპორტული ფუნქციონირების პარამეტრები“), მიენიჭა სპორტის დოქტორის (PhD in Sport) აკადემიური ხარისხი (ფრიადი – Summa Cum Laude).

სამუშაო გამოცდილება

გიორგი ზუბიტაშვილი 2005-2007 წლებში მუშაობდა საქართველოს სახელმწიფო ფიზიკური აღზრდისა და სპორტის აკადემიაში, ჭიდაობის კათედრაზე, მასწავლებლად, ძიუდოს სპეციალობით.

2007-2018 წლებში მუშაობდა ილიას სახელმწიფო უნივერსიტეტის სპორტის ფაკულტეტზე, როგორც ადმინისტრაციული (სპორტის მიმართულების კოორდინატორი, ბიბლიოთეკის ხელმძღვანელი, ARGUS-ის ადმინისტრატორი, მთავარი სპეციალისტი, დეკანის თანაშემწე), ისე მოწვეული ლექტორის სტატუსით;

ის საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის –

სრული პროფესორია 2013 წლიდან დღემდე;
აკადემიური საბჭოს წევრი იყო 2015-2017 წლებში;
საბაკალავრო და სამაგისტრო პროგრამების ხელმძღვანელია 2017 წლიდან დღემდე;
მწვრთნელთა კვალიფიკაციის გადამამზადებელი კურსების ტრენერია 2017 წლიდან დღემდე (საგანში: „სპორტული წვრთნის თეორია და მეთოდოლოგია“);
„სპორტის გამოყენებითი სახეების და ორთაბრძოლების კათედრის“ გამგეა 2018 წლიდან დღემდე;
სამეცნიერო-კვლევითი სამსახურის უფროსია 2020 წლიდან.

დამატებითი ინფორმაცია

სპორტის მეცნიერების მიმართულებით გამოქვეყნებული აქვს 30 ნაშრომი, მათგან 8 სტატია დაბეჭდილი აქვს მსოფლიოს წამყვანი გამომცემლობების: Scopus, Ebsco და Elsevier-ის თემატურ ჟურნალებში;
არის საქართველოს ორგზის ჩემპიონი ქართულ ჭიდაობაში (2003, 2004) და სპორტის ოსტატი (2009);
აქვს ძიუდოში 11 წლიანი სამსაჯო გამოცდილება და არის ეროვნული კატეგორიის მსაჯი;
აღებული აქვს კემბრიჯის უნივერსიტეტის სერტიფიკატი – FCE (2010);
2014 წლიდან არის ინგლისური ენისა და ლიტერატურის სერტიფიცირებული პედაგოგი (I-XII კლ.);
არის ერთი ინგლისურენოვანი წიგნის მთარგმნელი (Judo Refereeing Rules, 2016), ერთი წიგნის ავტორი („ძიუდოს თეორია და მეთოდიკა“, 2018, 500 გვ.) და სამი წიგნის რედაქტორი;
2013-2018 წლებში იყო ილიას სახელმწიფო უნივერსიტეტის სპორტის ფაკულტეტის სტუდენტთა სამწვრთნელო და პედაგოგიური პრაქტიკის ხელმძღვანელი;
ბოლო 13 წლის განმავლობაში, კითხულობს კურსებს: სპორტული წვრთნის თეორია და მეთოდოლოგია; ძიუდოს სპეციალიზაცია; ბაკალავრის სემინარი და საბაკალავრო ნაშრომი.