ალექსანდრე გობირახაშვილი

განათლება

ალექსანდრე გობირახაშვილმა 1994 წელს წარჩინებით დაამთავრა საქართველოს სახელმწიფო ფიზიკური აღზრდისა და სპორტის აკადემია (მწვრთნელთა ფაკულტეტი). 1997 წელს წარჩინებით დაამთავრა იმავე სასწავლებლის ასპირანტურა. 2004 წელს დაიცვა საკანდიდატო დისერტაცია – „ფიზიკური აღზრდის, სპორტული წვრთნისა და გამაჯანსაღებელი ფიზიკური კულტურის თეორიის და მეთოდიკის“ მიმართულებით და მიენიჭა პედაგოგიკის მეცნიერებათა კანდიდატის ხარისხი (მძლეოსნობაში).

სამუშაო გამოცდილება

1994-2006 წლებში ალექსანდრე გობირახაშვილი იყო ივანე ჯავახიშვილის სახელობის თბილისის სახელწიფო უნივერსიტეტის ფიზიკური აღზრდისა და სპორტის კათედრის მასწავლებელი, 2005-2006 წლებში – ამავე უნივერსიტეტის დოცენტი და მძლეოსნობის განყოფილების ხელმძღვანელი.

2006-2007 წლებში იყო საქართველოს სახელმწიფო ფიზიკური აღზრდისა და სპორტის აკადემიის ასისტენტ პროფესორი და წარმომადგენლობითი საბჭოს ვიცე-სპიკერი.

2007-2009 წლებში იყო თავდაცვის სამინისტროს სპორტულ-გამაჯანსაღებელი კომპლექსის დირექტორის მოადგილე სპორტის დარგში.

2009-2013 წლებში – სპორტისა და ახალგაზრდობის საქმეთა სამინისტროს სპორტულ-გამაჯანსაღებელი კომპლექსის სპორტის სამსახურის უფროსი.

2009-2011 წლებში – ილიას სახელმწიფო უნივერსიტეტის მოწვეული ასოცირებული პროფესორი, მძლეოსნობის სპეციალობით; 2012-2013 წლებში – იმავე უნივერსიტეტის მოწვეული პედაგოგი.

2013- 2021  -  წლებში  სპორტკომპლექს არენას სპორტული საქმიანობის მთავარი სპეციალისტი.

2014 წლიდან დღემდე საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ასოცირებული პროფესორია.

2018 წლიდან დღემდე არის უნივერსიტეტ ნიუ ვიჟენის სპორტკლუბის ხელმძღვანელი.

 2022 წლიდან დღემდე გორის სახელმწიფო უნივერსიტეტის სპორტის საბაკალავრო პროგრამის ხელმძღვანელი.

2022 წლიდან დღემდე სსიპ განათლების ხარისხის განვითარების ეროვნული ცენტრის სპორტის უმაღლესი განათლების დარგობრივი საბჭოს წევრი

დამატებითი ინფორმაცია

ბოლო რამოდენიმე წლის განმავლობაში მძლეოსნობის მიმართულებით გამოქვეყნებული აქვს 20 მეტი სამეცნიერო ნაშრომი, დაწერილი აქვს 3 წიგნი და ნათარგმნი აქვს 1 სახელმძღვანელო.

იყო საქართველოს ახალგაზრდული ნაკრების წევრი მძლეოსნობაში, აქვს 1 თანრიგი; არის ეროვნული კატეგორიის მსაჯი.

2019 წელს მიენიჭა სპორტის დამსახურებული მოღვაწის წოდება.