დავით ყარანგოზაშვილი

განათლება

დავით ყარანგოზაშვილმა დაამთავრა საქართველოს სახელმწიფო ფიზიკური კულტურის ინსტიტუტი, 1976 წელს (წითელ დიპლომზე).

1990 წელს დაიცვა საკანდიდატო დისერტაცია. 1992 წელს მიენიჭა დოცენტის წოდება.

სამუშაო გამოცდილება

დავით ყარანგოზაშვილმა 1976 წელს მუშაობა დაიწყო საქართველოს სახელმწიფო ფიზიკური კულტურის ინსტიტუტში, ლაბორანტად. 1980 წლიდან მუშაობდა ცურვის კათედრაზე, უფროს მასწავლებელად. კითხულობდა ლექციებს სპეციალიზაცია წყალბურთსა და ცურვაში.

2014 წლიდან დღემდე საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის პროფესორია. 

დამატებითი ინფორმაცია

დავით ყარანგოზაშვილს გამოქვეყნებული აქვს 70-ზე მეტი სამეცნიერო ნაშრომი და დაწერილი აქვს სამი წიგნი.

მას აღზრდილი ჰყავს 200-მდე მაღალკვალიფიციური სპეციალისტი წყალბურთსა და ცურვაში, რომლებიც ნაყოფიერად მუშაობენ როგორც მწვრთნელები, მსოფლიოს სხვადასხვა ქვეყანაში.

1970-იან წლებში იყო თბილისის დინამოს წევრი; 1980-1990 წლებში – თბილისის დინამოს ერთ- ერთი მწვრთნელი წყალბურთში. აღზარდა სპორტის ორი  დამსახურებული ოსტატი, ოთხი საერთაშორისო კლასის სპორტის ოსტატი  და 30-ზე მეტი სპორტის ოსტატი.

1991-დღემდე  არის  სხვადასხვა საკლუბო გუნდის მწვრთნელი. მისი აღზრდილები არიან მსოფლიოს და ევროპის ფინალური გათამაშების მონაწილეები, საერთაშორისო ტურნირების ჩემპიონები და პრიზიორები.