ედუარდ ფეროიანი

ედუარდ ფეროიანი — 2014 წ-დან — დღემდე მუშაობს საქართველოს ფიზიკური აღზრდისა და სპორტის სახელმწიფო უნივერსიტეტში — პედაგოგად (საგნები: ცურვა; აკვათერაპია). იგი არის: ბიოლოგიის დოქტორი, ასოცირებული პროფესორი, სპორტის ოსტატი, საქართველოს მრავალგზის ჩემპიონი ჩქაროსნულ წყალქვეშა ცურვაში. 1984 წ. დაამთავრა საქართველოს სახელმწიფო ფიზიკური კულტურის ინსტიტუტის ფიზიკური კულტურისა და სპორტის ფაკულტეტი, სპეციალობით: ფიზაღზრდის მასწავლებელი, ცურვის მწვრთნელი. იმავდროულად — საზოგადოებრივი პროფესიების ფაკულტეტი, სპეციალობით — სპორტის რეაბილიტაციის მეთოდისტი. 1991 წ. დაიცვა დისერტაცია. 1986-2005 წწ. მუშაობდა საქართველოს ფიზიკური კულტურის სამეცნიერო-კვლევით ინსტიტუტში.  2005-2007 წწ. — საქართველოს სახელმწიფო ფიზიკური აღზრდისა და სპორტის აკადემიაში — კვლევითი ლაბორატორიის გამგედ. გამოქვეყნებული აქვს 113 სამეცნიერო ნაშრომი, 1 მონოგრაფია, 5 სახელმძღვანელო.