ზაზა ჯაფარიძე

განათლება

ზაზა ჯაფარიძემ 1982 წელს დაასრულა ივანე ჯავახიშვილის სახელობის თბილისის სახელმწიფო უნივერსიტეტის ჟურნალისტიკის ფაკულტეტი.

2016 წელს მიენიჭა სოციალური მეცნიერებების დოქტორის (PhD) აკადემიური ხარისხი.

სამუშაო გამოცდილება

შრომითი მოღვაწეობა დაიწყო სტუდენტობამდე, 1976 წლის ივნისში, ხოლო საუნივერსიტეტო-სალექტორო საქმიანობა კი – 1984 წლის აპრილიდან; იყო თსუ ჟურნალისტიკის ფაკულტეტის თანამედროვე ქართული ჟურნალისტიკის აქტუალური პრობლემატიკის სამეცნიერო-კვლევითი სასწავლო-პრაქტიკული ლაბორატორიის (ეს, რამოდენიმეჯერ შეცვლილი სათაურის ბოლო რედაქციაა) უმცროსი ლაბორანტიდან, გამოუტოვებლად, ყოველი სამეცნიერო თანამდებობრივი საფეხურის გავლითა და ბოლო სამი წლის მანძილზე ლაბორატორიის გამგე – 2007 წლის აგვისტომდე; იმავე თვიდან მოღვაწეობს ძირითადად თბილისის თავისუფალ უნივერსიტეტში და პარალელურ რეჟიმში, საქართველოს ილიას სახელმწიფო უნივერსიტეტსა და რუსთავის უნივერსიტეტ „რვალში“.

2014 წლის მაისიდან არის საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ასისტენტი; სასწავლო-სამეცნიერო დისციპლინის (საგნის) „საერთაშორისო სპორტის დიპლომატიური საფუძვლები“ ლექტორი; საგნის (მიმართულების) ხელმძღვანელი. ხოლო 2016 წლის ნოემბრიდან – ასოცირებული პროფესორი იმავე მიმართულებით.

დამატებითი ინფორმაცია:

არის სსრკ სპორტის ოსტატი ძალოსნობაში, საქართველოს სსრ დამსახურებული მწვრთნელი, საკავშირო და საერთაშორისო კატეგორიების მსაჯი ათლეტიზმში, საქართველოს სპორტის დამსახურებული მოღვაწე.