იური გონაძე

განათლება

იური გონაძემ 1963 წელს დაამთავრა საქართველოს სახელმწიფო ფიზიკური კულტურის ინსტიტუტი.

სამუშაო გამოცდილება

1965 წელს მუშაობა დაიწყო საქართველოს ფიზიკური კულტურის სამეცნიერო კვლევით ინსტიტუტში (უფროსი ლაბორანტის თანამდებობიდან დირექტორის მოადგილემდე, სამეცნიერო დარგში). იმავდროულად საქართველოს სახელმწიფო ფიზიკური კულტურის ინსტიტუტში ასწავლიდა საგანს – მაგიდის ჩოგბურთი.

1981-1985 წლებში მუშაობდა სპორტკომიტეტში, სპორტული მედიცინისა და მეცნიერების განყოფილების უფროსად.

2004 წლიდან დღემდე საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ასისტენტ-პროფესორია.

დამატებითი ინფორმაცია

გამოქვეყნებული აქვს 80-ზე მეტი სამეცნიერო ნაშრომი, სპორტული წვრთნისა და სპორტის ფიზიოლოგიის საკითხებზე.

დაწერილი აქვს წიგნი მაგიდის ჩოგბურთზე. არის ეროვნული კატეგორიის მსაჯი.

მისმა აღსაზრდელებმა სამჯერ მოიპოვეს საქართველოს ჩემპიონის ტიტული.

1991-2005 წლებში იყო საქართველოს მაგიდის ჩოგბურთის კომიტეტის პრეზიდენტი.

1998 წელს გახდა საუკეთესო მწვრთნელი-პედაგოგი.

არის საქართველოს ფიზიკური აღზრდისა და სპორტის დამსახურებული მოღვაწე.