ლუდვიგ ღაღანიძე

განათლება

ლუდვიგ ღაღანიძემ 1972 წელს დაამთავრა საქართველოს სახელმწიფო ფიზიკური კულტურის ინსტიტუტი, ფარიკაობის სპეციალობით.

სამუშაო გამოცდილება

1972 წელს დაიწყო მუშაობა ფარიკაობის მწვრთნელ-მასწავლებლად, თბილისის ფარიკაობის ოლიმპიური რეზერვების სასპორტო სკოლაში. იმავე სკოლაში 1974 წლიდან იყო უფროსი მეთოდისტი; 1992 წლიდან – დირექტორის მოადგილე სასწავლო დარგში; 1992-1999 წლებში იყო ამავე სკოლის დირექტორი.

2005-2007 წლებში მუშაობდა საქართველოს სახელმწიფო ფიზიკური აღზრდისა და სპორტის აკადემიაში, ფარიკაობის სპეციალიზაციის ლექტორად.

2008-2011 წლებში – ილიას სახელმწიფო უნივერსიტეტის სპორტის ფაკულტეტზე, ფარიკაობის მოწვეულ ლექტორად.

2014 წლიდან დღემდე მუშაობს საქართველოს ფიზიკური აღზრდისა და სპორტის სახელმწიფო სასწავლო უნივერსიტეტში, ასისტენტ-პროფესორის თანამდებობაზე, ფარიკაობის მიმართულებით. პარალელურად, აგრძელებს სამწვრთნელო საქმიანობას ფარიკაობაში.

დამატებითი ინფორმაცია

ყოფილი საბჭოთა კავშირის რაპირით მოფარიკავეთა ნაკრები გუნდის მწვრთნელი (1985-1990 წწ);

საქართველოს რაპირით მოფარიკავეთა ნაკრები გუნდის უფროსი მწვრთნელი (1985-2016 წწ);

ეროვნული კატეგორიის მსაჯი ფარიკაობაში (1997 წლიდან);

საქართველოს დამსახურებული მწვრთნელი ფარიკაობაში (1998 წლიდან);

საქართველოს სპორტის დამსახურებული მუშაკი (2002);

მისი აღზრდილია ევროპის პრიზიორი ფარიკაობაში (2019) ლუკა ღაღანიძე. ასევე საქართველოს, მსოფლიო თასების, ევროპისა და მსოფლიო ჩემპიონატების მრავალი ფინალისტი და პრიზიორი, სამივე ასაკობრივ ჯგუფში.