მერაბ მეტრეველი

განათლება

მერაბ მეტრეველმა 1983 წელს დაამთავრა თბილისის სახელმწიფო უნივერსიტეტი, გეოგრაფია-გეოლოგიის სპეციალობით და მიენიჭა მაგისტრის ხარისხი, ეკონომ-გეოგრაფის კვალიფიკაციით.

მან 1993 წელს დაასრულა საქართველოს სახელმწიფო ფიზიკური კულტურის ინსტიტუტის მწვრთნელთა ფაკულტეტი – მიენიჭა მაგისტრის ხარისხი და ხელბურთის მწვრთნელ/მასწავლებლის კვალიფიკაცია.

ის ასევე სწავლობდა საწარმოო ძალთა ორგანიზაციის საბჭოში (სსრკ საგეგმო კომიტეტი) ასპირანტურაზე, სატრანსპორტო სისტემების მართვის სპეციალობით.

სამუშაო გამოცდილება

მერაბ მეტრეველი 1983-1988 წლებში იყო სპორტსაზოგადოება ბურევესტნიკის ხელბურთის სკოლის მწვრთნელ-მასწავლებელი და უფროსი მწვრთნელი.

მუშაობდა ეკონომიკის მართვისა და დაგეგმვის სამეცნიერო კვლევით ინსტიტუტში, ტრანსპორტის და კავშირგაბმულობის განყოფილებაში, სხვადასხვა პოზიციაზე: ლაბორანტად (1983-1984 წწ.), უმცროს მეცნიერ მუშაკად (1984-1985), უფროს მეცნიერ მუშაკად (1986-1990 წწ.) და განყოფილების უფროსის მოვალეობის შემსრულებლად (1990-1993 წწ.).

1997-2005 წლებში იყო სპორტის სახელმწიფო დეპარტამენტის ოლიმპიური რეზერვების სპორტული სკოლის დირექტორი.

2004-2006 წლებში – სპორტული სკოლა „ლიდერის“ დირექტორი.

2006 წელს – თბილისის მე-6 საჯარო სკოლის დირექტორი და გეოგრაფიის მასწავლებელი.

2006-2007 წლებში – საქართველოს უნივერსიტეტის სპორტული სკოლის დირექტორი.

2006-2010 წლებში – საქართველოს ვაჟ ხელბურთელთა ნაკრების უფროსი მწვრთნელი.

2007-2012 წლებში – თბილისის 111-ე საჯარო სკოლის დირექტორი, გეოგრაფიის მასწავლებელი.

2015 წლიდან დღემდე არის საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის კვალიფიკაციის ამაღლების კურსების დირექტორი და ასისტენტ-პროფესორი ხელბურთის მიმართულებით.

დამატებითი ინფორმაცია

გამოქვეყნებული აქვს 2 ნაშრომი; დაწერილი აქვს წიგნი – ოქროს ბიჭები; არის სპორტის ოსტატი; საქართველოს დამსახურებული მწვრთნელი; საქართველოს ჩემპიონი; ეროვნული კატეგორიის მსაჯი; ევროპის ხელბურთის ფედერაციის დელეგატი (1995-2008 წწ.); არის სახელბურთო კლუბ იმედის პრეზიდენტი და ფარიკაობის აკადემია ბასა-ს დირექტორი.