ქეთევან ქობალია

განათლება

ქეთევან ქობალიამ 1999 დაამთავრა საქართველოს სახელმწიფო ფიზიკური აღზრდისა და სპორტის აკადემია, ფიზიკური აღზრდისა და სპორტის სპეციალობით (მწვრთნელის კვალიფიკაცია). ასევე, დამთავრებული აქვს სულხან-საბა ორბელიანის სახელობის სახელმწიფო უნივერსიტეტის პედაგოგიური ფაკულტეტი (1997), დაწყებითი განათლების პედაგოგიკისა და მეთოდიკის სპეციალობით (დაწყებითი კლასების მასწავლებლის კვალიფიკაცია).

2007-2014 წლებში სწავლობდა ილიას სახელმწიფო უნივერსიტეტში, მეცნიერებათა და ხელოვნების ფაკულტეტზე დოქტორანტურაში. 2015 წელს მიენიჭა განათლების დოქტორის წოდება.

სამუშაო გამოცდილება

2010-2015 წლებში მუშაობდა საქართველოს განათლებისა და მეცნიერების სამინისტროს ეროვნული სასწავლო გეგმების დეპარტამენტში, ფიზიკური აღზრდისა და სპორტის ექსპერტად.

2015 წლიდან დღემდე მუშაობს სსიპ მასწავლებელთა პროფესიული განვითარების ეროვნულ ცენტრში, ფიზიკური განათლების კონსულტანტად.

2015-2019 წლებში იყო საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ასოცირებული პროფესორი. 2020 წლიდან არის ამავე უმაღლესი სასწავლებლის პროფესორი.

2018 წლიდან დღემდე არის ზემოაღნიშნული უმაღლესი სასწავლებლის პედაგოგიკის, ფსიქოლოგიისა და სოციოლოგიის კათედრის გამგე.

დამატებითი ინფორმაცია

ქეთევან ქობალიას გამოქვეყნებული აქვს სტატიები, ფიზიკური აღზრდისა და სპორტის მასწავლებლის პროფესიულად ღირებული პიროვნული თვისებებისა და მასწავლებლის პროფესიული გადამზადების საკითხებზე.

არის შემდეგი წიგნების თანაავტორი:

• მასწავლებლის გზამკვლევი „სპორტი I-VI კლასებისთვის“ (2011).
• „მასწავლებლის წიგნი განათლების დაწყებითი საფეხურის მასწავლებლებისთვის“ (2014).